Zaevi takohet me ambasadorin e Kuvajtit, Jakub Al-Atiki

Kryetari i Qeverisë, Zoran Zaev i shoqëruar nga ministri i Shëndetësisë, Venko Filipçe u takua me Jakub Al-Atiki, ambasador i Shtetit Kuvajt për Republikën e Maqedonisë së Veriut, i shoqëruar nga delegacioni i ambasadës, me seli në Sofje.

Në takim, kumtoi pres-shërbimi qeveritar, janë shqiptuar urime për zgjidhje të çështjeve dypalëshe të Republikës së Maqedonisë së Veriut  me fqinjët, në çka shihet si në mundësi të hapura për progres dhe të ardhme perspektive të shtetit tonë.

Në atë drejtim, është biseduar edhe për intensifikimin e bashkëpunimit ekonomik mes Republikës së Maqedonisë së Veriut dhe Shtetit të Kuvajtit dhe janë shqyrtuar mundësitë për lehtësim të komunikimit dhe lëvizjet e përfaqësuesve të odave ekonomike dhe bashkësisë së biznesit të dy shteteve, si dhe të qytetarëve.

Ambasadori Al-Atiki kumtoi se ka të interesuar nga ana e sektorit privat në Kuvajt për bashkëpunim me sektorin privat të biznesit në vendin tonë, duke pasur parasysh se bashkëpunimi i këtillë realizohet me vendet e rajonit.

Është paralajmëruar edhe donacion nga Kuvajti për pajisje mjekësore në shëndetësi.

Kryeministri Zaev u falënderua për interesin e bashkëpunimit me shtetin tonë dhe shprehu vullnet politik për mbështetje të zhvillimit të marrëdhënieve dypalëshe.