THAÇI: NDAJ ÇLIRIMTARËVE PO BËHET PADREJTËSIA MË E MADHE

Presidenti i Kosovës Hashim Thaçi, ka komentuar intervistimin e Sami Lushtakut nga Prokurori i Specializuar në Hagë.

Thaçi thotë se padrejtësisht po intervistohet një çlirimtar, ndërsa kriminalët serbë po shëtisin lirshëm nëpër Serbi dhe botë.

“Sot, padrejtësisht po intervistohet një çlirimtar në Hagë, kurse kriminelët serbë vazhdojnë të shëtisin lirshëm në Serbi dhe botë. Ndaj çlirimtarëve tanë, në emër të drejtësisë ndërkombëtare po bëhet padrejtësia më e madhe”, shkruan Thaçi në Facebook.

Thaçi ka numëruar edhe disa nga krimet serbe që janë bërë pikërisht nga rajoni prej nga është edhe Sami Lushtaku, ai i Drenicës.

“Në fshatrat Likoshan e Çirez të Drenicës, më 28 shkurt 1998, forcat serbe vranë dhe masakruan 24 civilë të pafajshëm. Në Prekaz, më 5, 6 dhe 7 mars të vitit 1998, forcat serbe vranë dhe masakruan 56 anëtarë të familjes Jashari. Më 26 shtator 1998, në Abri të Epërme të Drenicës, forcat serbe masakruan 23 anëtarë të familjes Deliu. Më 28 mars 1999, forcat serbe në fshatin Izbicë vranë dhe masakruan mizorisht 147 shqiptarë të pafajshëm. Më 5 prill 1999, në fshatin Rezallë, ushtria dhe policia serbe vranë 98 civilë, banorë të Rezallës dhe fshatrave përreth, nga të cilët 44 ishin të zhdukur. Po në muajin prill të vitit 1999, forcat serbe vranë dhe masakruan edhe 54 civilë në Poklek të Ri dhe 24 civilë të tjerë në Çikatovë të Vjetër. Forcat policore dhe ushtarake serbe vranë dhe masakruan edhe qindra civilë të tjerë të pafajshëm anekënd Drenicës dhe Kosovës, por drejtësia ndërkombëtare as që ka nisur të merr et me këto krime”, tha ai.

Be the first to comment

Leave a Reply