Shqipëria dhe Maqedonia e Veriut sërish në tryezën e ministrave të jashtëm të BE

Shqipëria dhe Maqedonia e Veriut janë shtruar sërish për diskutim në tryezën e ministrave të jashtëm të BE. Ndërsa u paralajmërua një dokument që paraqiste planin francez për reformim, para takimit, ministrja e jashtme finlandeze Tytti Tuppurainen, mohoi që fryma e diskutimeve për zgjerimin t’i përgjigjej këtij plani. Në të njëjtën kohë ministri i jashtë austriak Alexander Schallenberg bëri të ditur hartimin edhe të një dokumenti tjetër në mbështetje të një vendimi për Shqipërinë e Maqedoninë e Veriut.