Ligji për antikorrupsion para deputetëve të Maqedonisë

Deputetët në kuadër të seancës së 80-të, e cila do të fillojë në orën 16:00, do të debatojnë për propozim ligjin për parandalim të korrupsionit dhe konflikt të interesave, e cila është paraqitur me flamurin evropian dhe procedurë të shkurtuar.

Dje deputetët e pozitës dhe opozitës u dakorduan rreth këtij propozim ligjit. LSDM i pranoi 20 nga gjithsej 40 amendamente të cilat i kishte paraqitur VMRO-DPMNE.

Deputetja e LSDM-së, Snezhana Kalleska-Vançeva tha se kanë qëndruar deri në fund në mbrojtje të standardeve evropiane për vendosjen e mekanizmit sa më efikas për parandalimin dhe luftën kundër korrupsionit.

Ndërsa deputetja e VMRO-DPMNE-së, Ane Llashkoska tha se pranimi amendamenteve është tregues se VMRO-DPMNE nuk ka për qëllim bllokimin e proceseve thelbësore, por se ka qasje serioze për përmirësimin e të gjitha proceseve që ndodhin në shoqëri.




Be the first to comment

Leave a Reply