Ikën Rama vjen Basha? Manjani: Teori që bazohet te kafja e Metës me Ruçin, ç’më thanë miqtë

Ish-ministri i Drejtësisë, Ylli Manjani ka deklaruar se tan duhet të vijë kreu i PD-së Lulzim Basha në pushtet, pasi ata që qeverisin, janë pushtetarë të qelbur në karrige.

Manjani thekson se këtë teori e nxori, duke u bazuar tek ngjarjet e djeshme në Parlament, pas diskutimeve të Metës me kreun e Kuvendit Gramoz Ruçin.

“P.S. Ky reagim mu provokua nga teori konspirative që miq të mi kanë ndarë me mua dje dhe mbrëmë deri vonë. Teori që bazoheshin tek ngjarjet e djeshme në Parlament, ku Meta piu edhe një kafe me Ruçin…

Reagimi i plotë:

Jashtë konspiracionit.

Opozita dhe Lulzim Basha duhen mbështetur, jo se janë më të mirët, por se vendi ka nëvojë të ngutshme për rotacion.

Rotacioni është mjeti i vetëm demokratik që mund të ndryshojë diçka. Të paktën duhet të provojmë.

Rotacioni politik i pushtetit është përgjigja e pyetjes, “mirë ikin këta po kush do vijë?”

Kjo pyetje bëhet gjithmonë kur pushtetarët qelben në karrige.

Ata që kanë radhën do vijnë. Kush të dojë le të vijë, por kjo pyetje nuk mund të legjitimojë qëndrimin e të qelburve në pushtet.

Unë mbetem përkrahës i filozofisë së grupit dhe jo leader të vetëm. Por në këto kushte, po le të vijë Basha. Ta provojmë edhe atë.

Por mbi të gjitha, të largojmë këtë që u qelb kokë e këmbë në pushtet që prej vitit 1999.

P.S. Ky reagim mu provokua nga teori konspirative që miq të mi kanë ndarë me mua dje dhe mbrëmë deri vonë. Teori që bazoheshin tek ngjarjet e djeshme në Parlament, ku Meta piu edhe një kafe me Ruçin..

Një ditë më parë Ilir Meta dha llogari për mbi 2 orë në Komisionin Hetimor në Kryesinë e Kuvendit. Meta arsyetoi se i anuloi zgjedhjet pasi kishte informacione se Kuvendi do të digjej më 8 qershor.  Pas kësaj dëshmie presidenti zhvilloi një takim me kreun e Kuvendit, Gramoz Ruçin, takim për të cilin Meta ka deklaruar se shkëmbyen mendime për disa çështje.