Challandes flet për Kurtin: FFK ta ftojë në stadium dhe të na ofrojë premi për kualifikim

Bernard Challandes ka folur edhe për fituesin e zgjedhjeve në Kosovë, Albin Kurtin.

Zvicerani ka thënë se do të ishte mirë që FFK ta ftonte Kurtin për ndeshjen ndaj Malit të Zi.

“Ndoshta FFK mund ta ftoj Albin Kurtin, do të ishte i mirëseardhur. Kombëtarja është pjesë e shtetit”, ka thënë Challandes.

Tutje ai ka deklaruar duke qeshur se do të ishte mirë që Kurti t’i jepte edhe premi për kualifikim.

“Do të ishte mirë të na jepte edhe premi në rast kualifikimi në Evropian”, ka thënë Challandes duke qeshur.